Soongava Post
सिलगढी : भाजपा सिक्किम राज्य अध्यक्ष डीआर थापाले शुक्रबार सिलगढीमा गृहमन्त्री अमित शाहसँग भेटघाट गरे। गृहमन्त्री शाह सशस्त्र सीमा बलको स्थापना दिवस समारोहमा सहभागी हुन सिलीगढी पुगेका थिए।
भेटको क्रममा डीआर थापाले हालै सम्पन्न महाराष्ट्र विधानसभा चुनावमा भाजपा पार्टीले हासिल गरेको उत्कृष्ट जीतका लागि गृहमन्त्रीलाई बधाई दिए।
भेटमा भाजपा सिक्किमको संगठनात्मक विषयहरू साथै राजनीतिक र क्षेत्रीय मुद्दाहरू माथि गहन रूपमा छलफल भएको बताइएको छ। यसले सिक्किममा पार्टीको संगठनलाई थप सुदृढ बनाउने र क्षेत्रीय हितलाई अघि बढाउने पार्टीको प्रतिबद्धता दर्शाएको भाजपा सिक्किमको भनाइ छ।
गृहमन्त्रीसँगको भेटघाट अवसरमा दार्जीलिङका सांसद र भाजपा राष्ट्रिय प्रवक्ता राजु बिष्ट पनि उपस्थित थिए।
About The Author
