एसकेएम 13औं स्थापना दिवसमा मुख्यमन्त्री गोले रिनाकको कार्यक्रममा सहभागी

गान्तोक: सिक्किम क्रान्तिकारी मोर्चा (एसकेएम) पार्टीले 13औं स्थापना दिवस यस वर्ष निर्वाचन क्षेत्रस्तरमा पालन गरिरहेको छ। 31 वटै निर्वाचन क्षेत्रमा पार्टीले आयोजना गरिरहेको स्थानमा दिलस समारोहलाई सम्बन्धित क्षेत्र विधायकले नेतृत्व गरिरहेका छन्।
पार्टीको 13औं स्थापना दिवसको अवसरमा एसकेएम पार्टीका अध्यक्ष तथा मुख्यमन्त्री पीएस गोले रिनाक निर्वाचन क्षेत्रको पाचेखानी अन्तर्गत बेङ्थाङ टारमा आयोजना गरिएको समारोहमा सहभागी बनेका छन्। गत विधानसभा चुनाउमा रिनाकको विधायकका रुपमा निर्वाचित बनेपछि क्षेत्रमा पहिलो पल्ट सार्वजनिक समारोहमा भाग लिन रिनाक क्षेत्रमा पुगेका मुख्यमन्त्री पीएस गोलेलाई स्थानीय युवाहरूले बेङ्थाङ टारमा भव्य स्वागत जनाए।
समारोह स्थलमा स्वागतसंगै मुख्यमन्त्री पीएस गोलेले पार्टीको झण्डा उत्तोलन, द्वीप प्रज्वलन साथै केक काटेर एसकेएम 13औं गान्तोक: स्थापना दिवसको कार्यक्रम शुभारम्भ गरे। रिनाक निर्वाचन क्षेत्रस्तरीय समारोहमा पूर्व विधायक विष्णु कुमार खतिवडा विशिष्ट अतिथि रहेका छन्।
समारोमा रिनाक निर्वाचन क्षेत्र भित्रबाट एसकेएम पार्टीको विभिन्न समितिमा रहेका पदाधिकारी, स्थानीय जिल्ला तथा ग्राम पञ्चायत अनि पार्टी समर्थकको बाक्लो उपस्थिती रहेको छ। पार्टीको विभिन्न कार्यक्रम पछि रिनाकको समारोहलाई मुख्यमन्त्री पीएस गोलेले सम्बोधन गर्नेछन्।

About The Author

Soongava Post

New digital media platform based in Sikkim.

See author's posts