Soongava Post
गान्तोक : एक अभूतपूर्व उपलब्धिका साथ सिक्किम राज्य महिला फुटबल टीमले ३८ औं राष्ट्रिय खेलमा टीमलाई नामाङ्कित गरेको छ। राष्ट्रिय खेलकुद फरवरी २०२५ मा उत्तराखण्डमा आयोजना हुनेछ।
सिनियर नेशनल फुटबल च्याम्पियनशिप २०२३-२४ मा असाधारण प्रदर्शन गरेर सिक्किम महिला फुटबल टीमले राष्ट्रिय खेलकुदमा आफूलाई शामिल गराउने ऐतिहासिक उपलब्धि प्राप्त गरेका छन्।
सिनियर महिला राष्ट्रिय फुटबल च्याम्पिनशिपमा सिक्किम टीमको उत्कृष्ट प्रदर्शनले उनीहरूलाई राष्ट्रिय खेलमा स्थान दिलाएको हो जसमा टीमले एउटै गोलको पनि सामना नगरी १७ गोलको रेकर्डका साथ समूह जी शीर्ष स्थान हासिल गर्न सफल भएको छ।
सिक्किम टीमको गुजरात, त्रिपुरा र चण्डिगढ विरुद्ध प्रभावशाली जीतले टीमको कौशल र दृढ़ संकल्पलाई प्रदर्शित गरेको छ।
यस महत उपलब्धिका लागि मुख्यमन्त्री पीएस गोलेले हार्दिक बधाई र शुभकामना दिएका छन्। फुटबलमा उत्कृष्टताको लागि महिला फुटबल टोलीको अथक परिश्रम समर्पण र प्रतिबद्धताको मुख्यमन्त्रीले प्रशंसा गरेका छन्।
यस उपलब्धिले टीमको अथक मेहनतलाई मात्रै नदर्शाएर सिक्किममा महिला खेलको बढ्दै गरेको मानकलाई पनि उजागर गरेको मुख्यमन्त्रीको भनाइ छ।
About The Author
