Soongava Post
गान्तोक: सिक्किम सरकारले आगामी जनगणना अघि प्रशासनिक सीमाहरू फ्रिज गरेको छ। सरकारको गृह विभागले हालै एउटा अधिसूचना जारी गरेर सिक्किममा आगामी जनगणना पूरा नभएसम्म १ जनवरी २०२५ देखि लागू हुनेगरी जिल्लाहरू, महकुमा क्षेत्र, राजस्व ब्लक/गाउँहरू, फरेस्ट ब्लकहरू, टाउन र अन्य क्षेत्रहरूको प्रशासनिक सीमाहरू फ्रिज गरिने घोषणा गरेको छ।
जनगणना ऐन, १९४८ र गृह मन्त्रालयका उपमहानिर्देशकको पत्र बमोजिम गरिएको यो निर्णयले जनगणनाको समयमा सही र प्रभावकारी तथ्याङ्क सङ्कलन सुनिश्चित गर्ने उद्देश्य राखेको छ।
सबै सम्बन्धित विभागहरू र जिल्ला प्रशासनहरूलाई १ जनवरी, २०२० र ३१ डिसम्बर २०२४ बीच कुनै पनि क्षेत्राधिकार परिवर्तनको सम्बन्धमा जनगणना सञ्चालन निर्देशनालय, सिक्किमसँग सम्पर्क गर्न गृह विभागले निर्देशन पनि दिइएको छ।
About The Author
