Soongava Post
गान्तोक, १६ नोभेम्बरः गोकुलम एफसी केरल अल ईण्डिया गभरनर्स गोल्डकपको सेमीफाइनलमा प्रवेश गरेको छ। शनिबार भएको प्रतियोगिताको पहिलो क्वार्टर फाइनल खेलमा गोकुलमा एफसीले ट्रान्सपोर्ट युनाइटेड भोटानलाई २-१ गोलको अन्तरले पराजित गरेर सेमीफाइनलका लागि स्थान सुरक्षित गऱ्यो। खेलको ५८औं र ६२औं मिनटमा लगातार दुईवटा पेनल्टी पाएर पनि भुटानको टिम प्रतियोगितामा आघि बढ्न सकेन।
क्वार्टर फाइनल खेलको शुरुआत देखि नै भुटानका खेलाडीहरूले उत्कृष्ट खेल प्रस्तुत गरेका थिए। पहिलो हाफमा भोटानको टिमले धेरै अवसर पाए पनि गोकुलमको गोलपोस्ट पार गराउन सकेन। हाफटाइमसम्म बराबरको खेल खेलेको भोटानले दोस्रो हाफको शुरुदेखि नै गोकुलम एफसी विरुद्ध पूर्ण दबाब बनाउने खेल खेल्यो। लगातार गोकुलमको गोलपोस्टमा भोटानका खेलाडीहरूले दबाब बनाइरहेकै क्रममा खेलको ५८औं मिनटमा गोकुलमाके डिफेन्सले डि बक्सभित्र गरेको गल्तीले पाएको पेनल्टीबाट भोटानका खेलाडी कुङ्गा वाङ्चुकले गोल दागेर पहिलो बढत दिलाए। यसको लगत्तै भोटानले ६२औं मिनटमा दोस्रो पेनल्टी पाएको थियो तर छुल्ट्रिम नामगेको पेनल्टी सटलाई गोकुलमका गोलकिप्पर सुजित एमले रोकिदिए। यो पेनल्टी सटलाई गोल गर्न नसक्नु भोटानको निम्ति पराजयको पहिलो कारण बनिदियो।
खेलको ८०औं मिनटमा भोटानलाई अर्को झट्का लाग्यो जब टिमका डिफेन्टर किङ्गा टी तोप्देनले डि बक्सभित्र रोक्न खोजेको गोकुलमका खेलाडीको सट ओन गोलका रूपमा गोलपोस्ट पार गरिदियो। भोटानी खेलाडीको ओन गोलबाट म्याचमा बराबरी हुने अवसर पाएको गोकुलम एफसीले रहल समयमा भने विपक्षी टिम विरुद्ध खुलेर खेल प्रदर्शन गऱ्यो। भोटानी टिममाथि दबाब बनाइरहेकै क्रममा ८९औं मिनटमा गोकुलमको पक्षमा बिबिन बोबानले गोल दागेर टिमको जित सुनिश्चित गरिदिए। यसपछि पाएको चार मिनटको इन्जुरी टाइममा दुवै दलबाट आक्रमण प्रतिआक्रमण भएपनि अन्ततः गोकुलमले प्रतियोगितामा दोस्रो जित दर्ता गर्दै सेमीफाइनलका लागि स्थान सुरक्षित गरेको छ।
भोटानी टिम विरुद्ध जित सुनिश्चितको गोल गर्ने गोकुलमका खेलाडी बिबिन बोबानले मेन अफ द म्याचको उपाधि जितेका छन्। भोलि आइतबार सिक्किमको घरेलि टिम गान्तोक हिमालयन एफसीक भिडन्त केडीएन एफसी मलेसियासँग हुनेछ।
About The Author
