Soongava Post
गान्तोक, ९ नोभेम्बरः हिमालयण स्पोर्टिङ क्लब गान्तोक अल इण्डिया गभरनर्स गोल्डको को प्री-क्वाटर फाइनलमा प्रवेश गरेको छ। हिमालयण स्पोर्टिङ क्लबले शनिवार जीटीए इलेभेनलाई पराजित गरेर अर्को चरणका लागि स्थान सुनिश्चित गऱ्यो। हिजोदेखि शुरु भएको गोल्डकपका दुइवदै म्याचमा घरेलु दल विजयी बने। हिजो सिक्किम पुलिसले कालिघाट एमएसलाई ५-० गोलको अन्तरले पराजित गरेको थियो भने आज हिमालयण स्पोर्टिङ क्लबले जीटीए इलेभनलाई ३-१ गोलको अन्तरले परास्त गऱ्यो।
खेल शुरु भएको २६औं मिनटमा हिमालयण एससीका ओङ्डा लेप्चाले गोल गरेर टिमलाई बडत दिलाएका थिए। जीटीए इलेभेन र हिमालयण एससी दुवै दलका खेलाडी राम्रो खेलको प्रदर्शन गरे तर हाफ टाइमसम्म स्कोर १-० गोलको अन्तरमा हिमालयण एससी अघि रह्यो।
दोस्रो हाफको शुरुआत जीटीएका खेलाडीले विपक्षीमाथि निक्कै दबाब बनाए तर स्कोर भने गर्न सकेनन्। हिमालयण एससीको पक्षमा खेलिरहेका विदेशी खेलाडी मेक्सवेलले ६९ मिनटमा गोल दागेर टिमलाई २-० को बडत दिलाए। यसैबीच हिमालयण एससीका खेलाडीले गरेको गल्तिका कारण जीटीए इलेभेनले ७३ मिनटमा पाएको पेनल्टीलाई जीटीएका विशाल लामा गोल दागेर टिमको पक्षमा केही आशा जगाए। तथापि खेलको ८०औं मिनटमा हिमालयण एससीका मेक्सवेलले आफ्नो पक्षमा दोस्रो र टिमको पक्षमा तेस्रो गोल दागेर गभरनर्स गोल्डकपमा जीटीएको अघिका म्याच खेल्न आशामा पानी फेरीदिए।
हिमालयण एससीको पक्षमा दुई गोल गर्ने मेक्सवेल मेन अफ द म्याच चुनिएका छन्। सिक्किम हिमालयन एससीको अर्को म्याच १४ नोभेम्बरमा नर्थ-ईस्ट युनाईटेडसँग हुनेछ। गोल्डकपको तेस्रो खेल भोलि आइतवार आर्मी रेड र कावाजोल भेन्तारा एफसी मिजोरम माझ हुनेछ।
About The Author
