Soongava Post
गान्तोक, ९ नोभेम्बरः नेपाली साहित्य परिषद, सिक्किमले महाकवि लक्ष्मीप्रसाद देवकोटाको जन्मजयन्ती वर्षेनी १२ नोभेम्बरमा पालन गर्ने भएको छ। परिषदका अध्यक्ष हरि ढुङ्गेलको अध्यक्षतामा सम्पन्न कार्यकारी सदस्यहरूको सभाले सो निर्णयलाई प्रस्तावको रुपमा राखेर तथा प्रस्तावलाई सर्वसम्मतिका साथ पारित गरेको छ।
प्रस्तावमा वर्षेनी देवकोटा जयन्तीलाई अनिवार्य रुपमा पालन गर्ने पनि निर्णय लिइएको छ। यसोसले, देवकोटा ११५औँ जन्मजयन्ती आउँदो १२ नोभेम्बर २०२४ दिन नेपाली परिषदको सभाकक्षमा आयोजन हुनेछ। सो सभाले सिक्किम भारतको २२औँ राज्यको रुपमा प्रतिष्ठापित भएको ५०औँ वर्षको उपलक्ष्यलाई पनि कार्यक्रमको मूल विषय बनाएको निर्णय गरेको छ।
कार्यक्रममा महाकविको व्यक्तित्व एवम् कृतित्वमाथि वार्तासँगै कवि गोष्ठी साथै साङ्गीतिक कार्यक्रमहरू समावेश गर्ने सो सभाले निर्णय गरेको छ। परिषदले महाकवि देवकोटाको यस जन्मजयन्ती समारोहमा सबैको उपस्थितिका निम्ति परिषद् सादर निवेदन गरेको छ।
About The Author
