Soongava Post
गान्तोक, २६ अक्टोबर: सिक्किमका लोकसभा सांसद इन्द्रहाङ सुब्बा खाद्य प्रशोधन उद्योग मन्त्रालयको परामर्श समितिको सदस्यमा नियुक्त भएका छन् । यो समितिमा नियुक्ति पछि सांसद सुब्बाले प्रधानमन्त्री नरेन्द्र मोदी, लोकसभा अध्यक्ष ओम बिरलाप्रति आभार व्यक्त गरेका छन्। उनले भनेका छन्, “भारतको खाद्य प्रशोधन क्षेत्रको रणनीतिक प्रगतिमा योगदान गर्ने अवसर स्वरूप मलाई परामर्श समितिको सदस्यको रूपमा नियुक्तिका लागि आभारी छु।”
सांसद इन्द्र हाङ सुब्बाले भनेका छन्, “सेवा गर्ने यो अवसर मलाई सुम्पनु एक सम्मान र जिम्मेवारी हो। म हाम्रा किसानहरूलाई उत्थान गर्ने, ग्रामीण अर्थतन्त्रलाई बलियो बनाउने र भारतको कृषि मूल्य श्रृंखलालाई विस्तार गर्ने नीतिहरू अगाडि बढाउन प्रतिबद्ध छु। खाद्य प्रशोधन आत्मानिर्भर भारतको लक्ष्यलाई साकार पार्न महत्वपूर्ण भूमिका रहेको छ र म अर्थपूर्ण योगदान गर्न मेरा सहयोगी सदस्यहरूसँग मिलेर काम गर्न प्रतिवद्ध छु।”
यस अघि केन्द्र सरकारले लोकसभा सांसद इन्द्रहाङ सुब्बालाई एस्टिमेट कमिटी र खाद्य तथा उपभोक्ता मामिला मन्त्रालयको समितिमा नियुक्त गरेको थियो।
About The Author
