Soongava Post
गान्तोक: सिक्किम सरकारको यातायात विभागले गान्तोकबाट सिलिगुडी ओहोरदोहोर गर्ने यात्राका लागि अन्तरशहर रिजर्भ क्याब लक्जरी सेवा सुरु गरेको छ। यसमा प्रति सिट १००० रुपियाँ भाडा तोकिएको छ।
विभागले जारी गरेको सूचना अनुसार यात्रुहरूले सिक्किम क्याब एप डाउनलोड गरेर र प्लेटफर्म मार्फत आफ्नो सिट बुक गरेर यो सेवा प्राप्त गर्न सक्नेछन्।
सिक्किम सरकारको यातायात विभागका आयुक्त-सह-सचिव राज यादवले जारी गरेको सूचनाअनुसार यस्तै सेवाहरू चाँडै नै नाम्ची, पेलिङ, कालेबुङ र दार्जिलिङ लगायत अन्य गन्तव्यहरूमा विस्तार गरिनेछ। थप रूपमा, सिक्किम क्याब एप मार्फत बुकिङको लागि एसएनटी बसहरू पनि उपलब्ध गराइनेछ।
यो पहलको उद्देश्य यात्रा सुविधा बढाउनु र सिक्किमका जनतालाई आरामदायी साथै किफायती यातायात सुविधा प्रदान गर्नु हो।
About The Author
