Soongava Post
गान्तोक, २१ अक्टोबरः सिक्किम क्रान्तिकारी मोर्चा (एसकेएम) पार्टीका दुवै उम्मद्वारले आज सोमबार नामाङ्कन दर्ता गर्ने भएका छन्। दिउसो दुई बजे उप्रान्त दुवै उम्मेद्वारले सम्बन्धित रिटनिङ अफिसरको कार्यालयमा नामाङ्कन दर्ता गर्ने पार्टीले जानकारी दिएको छ।
एसकेएम पार्टीले आइतवार चार बजे उम्मेद्वारको रुपमा घोषणा गरेका आदित्य गोले र सतिश चन्द्र राई दुवैले हिजो नै पार्टी अध्यक्ष तथा मुख्यमन्त्री पीएस गोलेसँग भेट गरेर पार्टीले दिएको जिम्मेवारीप्रति आभार व्यक्त गरेका थिए। यस भेट अवधि मुख्यमन्त्री गोलेले दुवै उम्मेद्वारलाई शुभकामना दिए।
उम्मेद्वारको रुपमा नाम घोषणा भएपछि सोरेङ-च्याखुङका आदित्य गोले र नाम्ची सिङ्गीथाङका सतिश चन्द्र राईलाई पार्टी कार्यकर्ताले आ-आफ्नो क्षेत्रमा स्वागत जनाएपछि दिउसो नामाङ्कन दर्ता गराउनेछन्। एसकेएम उम्मेद्वारहरूको नामाङ्कन दर्ताको समय एउटा निर्वाचन क्षेत्रमा मुख्यमन्त्री पीएस गोले पनि उपस्थित रहनसक्ने थाहा लागेको छ।
About The Author
