Soongava Post
गान्तोक, १६ अक्टोबर: आगामी विधानसभा उपचुनाउलाई नाम्ची जिल्लाकी जिल्लापाल अनुपा तामलिङको अध्यक्षतामा नाम्चीमा सभा आयोजित भएको छ। जिल्ला प्रशासनिक कार्यालय नाम्चीमा आयोजित सभामा नाम्ची सिङ्गीथाङ निर्वाचन क्षेत्रको उपचुनाउसंग सम्बन्धित विषयहरूमा छलफल गरिएको आईपीआर विभागले जनाएको छ।
हिजो चुनाउ आयोगले उपचुनाउका लागि मिती घोषणा गरेपछि आयोजित जिल्ला प्रशासनको पहिलो सभामा एसपी डाक्टर टिएन ग्याछो, एडिसी, एसडीएम लगायत सम्बन्धित अधिकारीहरू सहभागी थिए। सभामा जिल्लापाल अनुपा तामलिङले नाम्ची सिङ्गीथाङ निर्वाचन क्षेत्रमा उपचुनाउको घोषणासंगै नाम्ची जिल्लाभरी आदर्श आचार संहिता लागू भएको अवगत गराइन्।
उपचुनाउलाई लिएर नाम्ची उच्चतर माध्यमिक विद्यालयमा स्ट्रङ रुम बनाइएको जिल्लापालले जानकारी दिएकी छिन्। उनले बताएअनुसार नाम्ची सिङ्गीथाङ निर्वाचन क्षेत्रमा उपचुनाउका लागि कुल १९ पोलिङ स्टेशन बनाइनेछ।
About The Author
