Soongava Post
गान्तोक, २९ सेप्टेम्बरः उत्तर सिक्किममा स्वाभाविक समयभन्दा चाँढै हिमपात भएको छ। पछिल्ला केही दिनदेखि लगातार वर्षा भएको अवस्थामा उत्तर सिक्किमको लाचेन र लाचुङ भेल्ली लगायत यस माथिका पहाडी क्षेत्रमा व्यापक हिमपात भएको छ।
उत्तर सिक्किमका विभिन्न स्थानमा भारी हिमपातका कारण सडकमार्ग बन्द हुने क्रम पनि शुरु भएको छ। पछिल्ला केही दिनमा भएको हिमपालले लाचुङ र लाचेन भेगका बन्द भएका सडक मार्ग खुलाउन सीमा सडक संगठनले लगातार प्रयास गरेको छ।
प्राप्त जानकारीअनुसार सीमा सडक संगठनले भारी मशिन र जनशक्ति तैनात गरेर स्थानीय तथा सुरक्षा दृष्टिकोणका महत्त्वपूर्ण मार्ग खुलाउन सफल भएको छ। प्रतिकुल मौसम र उच्चाईका क्षेत्रमा अक्सिजनको कमीबिच पनि संगठनका कर्मचारीले स्थानीय मानिसहरूका लागि अवरोधमुक्त सडक सुनिश्चित गराएका छन्।
About The Author
