Soongava Post
गान्तोक, २८ सेप्टेम्बर: सिक्किम सरकारका मुख्यमन्त्री पीएस गोलेले एक सन्देश जारी गर्दै अविरल बर्षाको समयमा अनावश्यक यात्रा नगर्न र जोखिमयुक्त क्षेत्रहरूको नजिक नजान राज्यवासीलाई अपील गरेका छन्।
मुख्यमन्त्रीले भनेका छन्, “हाम्रो राज्यले हाल अविरल वर्षाको सामना गरिरहेको छ भने धेरै क्षेत्रहरूमा व्यापक पैह्रो झरेको छ। यस्तो जोखिमपुर्ण स्थितिमा म सबैलाई सुरक्षालाई प्राथमिकता दिन दृढ़तापूर्वक आग्रह गर्दछु।”
अनावश्यक यात्रा नगर्न र कुनै पनि परिस्थितिमा नदी, झरना वा अन्य जोखिमयुक्त क्षेत्रहरूको नजिक नजान पनि मुख्यमन्त्रीले सबैमा आग्रह गरेका छन्।
उनले अघि भनेका छन्, “जनताको सुरक्षा सरकारको उच्च प्राथमिकता हो, म तपाईहरु सबैलाई आश्वस्त पार्न चाहन्छु कि राज्य सरकारले अवस्थालाई नजिकबाट नियालिरहेको र जीवन र सम्पत्तिको सुरक्षा गर्न सबै आवश्यक कार्यहरू गरिरहेको छ।”
यो अवस्थामा अत्याधिक सावधानी अपनाउन र अपडेटहरू बारे सूचित रहन मुख्यमन्त्रीले सम्पूर्ण जनगणमा आग्रह गरेका छन्।
About The Author
