Soongava Post
गान्तोक, २७ सेप्टेम्बर: सिक्किमका मुख्यमन्त्री पीएस गोलेले राष्ट्रिय राजमार्ग तथा पूर्वाधार विकास निगम लिमिटेड, सीमा सडक संगठन, र पावर ग्रिड कर्पोरेशन अफ इण्डियाका वरिष्ठ अधिकारीहरूसँग बैठक गरेर राज्यमा भूमि अधिग्रहणका समस्या समाधान बारे छलफल गरेका छन्।
सम्मान भवनमा आयोजित बैठकमा सिक्किम सरकारका मुख्य सचिव, डीजीपी, विभिन्न विभागका सचिवहरू, जिल्लापालहरू, सब डिभिजनल मजिस्ट्रेटहरू, र राज्यको अन्य सरकारी विभागका अधिकारीहरू उपस्थित थिए।
बैठकको क्रममा मुख्यमन्त्री गोलेले भूमि अधिग्रहण साथै सडक र राजमार्गहरूको विकाससँग सम्बन्धित विभिन्न चुनौतीबारे विस्तृत जानकारी लिए। उनले पूर्वाधार विकासलाई बढावा दिन विभिन्न एजेन्सी र विभागहरू माझ सहकार्यको आवश्यकतामा जोड दिएका छन्।
मुख्यमन्त्रीले जमिन मालिकहरूको हितलाई ध्यानमा राख्दै परियोजना प्रगतिमा अवरोध गर्ने विवादहरू प्रभावकारी रूपमा मध्यस्थता गर्न एकीकृत दृष्टिकोण हुनुपर्ने सुझाउ दिएका छन्।
About The Author
