Soongava Post
गान्तोक, २७ सेप्टेम्बरः सिक्किममा विगत तीन दिनदेखि भारी वर्षा भइरहेको छ। भारतीय मौसम विज्ञान विभाग (आईएमडी) ले पनि पहाड़ी क्षेत्रका लागि निरन्तर वर्षाको पूर्वानुमान गरेको छ। निरन्तर वर्षाले दैनिक जीवनमा अवरोध ल्याएको छ, र केही सड़क र केही मानिसहरूका घरलाई पनि क्षति पुगेको छ।
सिक्किम क्रान्तिकारी मोर्चा पार्टीले यो भारी वर्षाका समय नागरिकहरूलाई सतर्क रहन र आपतकालीन अवस्थामा स्थानीय अधिकारी, बीडीओ, एसडीएम साथै लाइन विभाग वा पुलिससमक्ष सम्पर्क गर्न आग्रह गरेको छ।
एसकेएम पार्टीका प्रवक्ता विकास बस्नेतले शुक्रवार प्रेस विज्ञप्ति जारी गरेर भनेका छन, “मुख्यमन्त्री पीएस गोलेले स्थिति नजिकबाट अनुगमन गरिरहेका छन् र सम्बन्धित अधिकारीहरूसँग निरन्तर सम्पर्कमा छन्। सरकार आवश्यक सावधानी र रोकथामका उपायहरू लागू गर्न प्रतिबद्ध छ। पार्टी आफ्ना सदस्यहरूलाई सतर्क रहन र सामुदायिक राहत प्रयासहरूमा सहयोग गर्न पनि आह्वान गर्दछ। नागरिकहरूलाई आवश्यक नभएसम्म यात्रा नगर्न साथै सबैलाई सुरक्षित र सतर्क रहन अनुरोध गर्दछौं।”
About The Author
