Soongava Post
गान्तोक, २७ सेप्टेम्बरः सिक्किम लगायत पहाड़ी क्षेत्रमा पछिल्ला दुई दिनदेखि भइरहेको लगातार वर्षाका कारण टिस्टा नदीको जलस्तर बढेको छ। लगातार बढ़ीरहेको नदीको जलस्तरलाई व्यवस्थापन गर्न एनएचपीसीले ड्यामबाट पानी निकास गर्ने काम पनि गरिरहेको छ।
टिस्टा नदीको स्तर बढेका कारण पश्चिम बङ्गालको टिस्टा बजार वरिपरि अनि राष्ट्रिय राजमार्ग १० को किनारमा बस्ने मानिसहरू साथै राष्ट्रिय राजमार्ग १० मा यात्रा गरिरहेकाहरूलाई संभावित जोखिमका कारण अत्यधिक सतर्कता अपनाउन आग्रह गरिएको छ। सम्बन्धित क्षेत्रका अधिकारीहरूले स्थिति अनुगमन गरिरहेका छन् र सर्वसाधारणलाई सूचित रहन र आवश्यक सावधानीहरू अपनाउनएर मात्र यात्रा गर्न सुझाउ दिएका छन्।
यता भारतीय मौसम विभागले सिक्किम लगायत पहाड़ी क्षेत्रका लागि रेड अलर्ट जारी गरेको छ। मौसम विभागका अनुसार कतिपय क्षेत्रमा भारी वर्षाको सम्भावना रहेकाले मानिसहरूलाई सतर्कता अपनाउन आग्रह गरिएको छ।
लगातार वर्षा भइरहेपनि शुक्रवार राष्ट्रिय राजमार्ग १० यातायातका लागि खुला रहेको छ। तर कतिपय स्थानमा पैह्रोको जोखिम रहेको छ भने कतिपय स्थानमा टिस्टा नदी बढ्दा राजमार्गलाई खतरा पनि रहेको छ।
About The Author
