Soongava Post
नयाँ दिल्ली, २७ सेप्टेम्बरः केन्द्र सरकारले श्रमिकहरूको, विशेष गरी असंगठित क्षेत्रका श्रमिकहरूको समर्थनमा भेरिएबल डियरनेस भत्ता (भीडीए) मा संशोधन गरेर न्यूनतम वेतन दर वृद्धि गर्ने घोषणा गरेको छ। यो समायोजन श्रमिकहरूको जीवन यापनको लागत बढ्दै गरेको अवस्थामा सहयोगका लागि गरिएको हो।
संशोधित वेतन दरले निर्माण, लोड र अनलोड, सुरक्षा, सफाई, हाउसकिपिङ, खनन र कृषि जस्ता विभिन्न क्षेत्रका श्रमिकहरूलाई फाइदा पुऱ्याउनेछ। नयाँ दरहरू १ अक्टोबर २०२४ बाट लागू हुनेछन्। पछिल्लो संशोधन अप्रेल २०२४ मा गरिएको थियो।
न्यूनतम तलब दरहरू कौशल स्तर साथै अकुशल, अर्ध-कुशल, कुशल र अत्यधिक कुशलसहित भौगोलिक क्षेत्रहरू: ए, बी, र सी मा वर्गीकृत गरिएको छ।
क्षेत्र “ए” का लागि, संशोधित न्यूनतम तलब दर अनुसार अकुशल श्रमिकले (निर्माण, सफाई, लोड र अनलोड): प्रति दिन ७८३ रुपियाँ (प्रति महिना २०३५८ रुपियाँ) पाउनेछन्।
अर्ध-कुशल श्रमिकले प्रति दिन ८६८ रुपियाँ (प्रति महिना २२,५६८ रुपियाँ) पाउनेछन्। कुशल श्रमिक, लिपिक, र सुरक्षा (हातियार बिना श्रमिकका लागि प्रतिदिन ९५४ रुपियाँ (प्रति महिना २४,८०४) रुपियाँ तय गरिएको छ। अत्यधिक कुशल श्रमिक र सुरक्षा (हातियार सहित) का श्रमिकले प्रति दिन १०३५ रुपियाँ (प्रति महिना २६,९१० रुपियाँ) वेतन पाउनेछन्।
केन्द्र सरकारले बीडीएलाई वार्षिक रूपमा दुई पटक, १ अप्रेल र १ अक्टोबरमा संशोधन गर्छ, जुन औद्योगिक श्रमिकहरूको उपभोक्ता मूल्य सूचीको ६ महिनाको औसत वृद्धिमा आधारित हुने गर्दछ।
सरकारले वृद्धि गरेको भीडीए अन्तर्गत क्षेत्र, श्रेणी, र क्षेत्र अनुसार न्यूनतम तलब दरहरूको विस्तृत जानकारी केन्द्रिय श्रम आयुक्तको वेबसाइट (clc.gov.in) मा उपलब्ध छ।
(समाचार स्रोत- पीआईबी)
About The Author
