Soongava Post
गान्तोक, १९ सेप्टेम्बरः देशमा एकैसाथ चुनाउ गराउन पूर्व राष्ट्रपति रामनाथ कोविन्दको नेतृत्वाधिन प्यानलले गरेको सिफारिस र केन्द्रिय क्याबिनेटले सिफारिसबारे दिएको स्वीकृतिलाई सिक्किमका मुख्यमन्त्री समर्थन गरेका छन। ‘एक राष्ट्र, एक चुनाउ’ प्रणालीलाई हिजो मात्र केन्द्रिय क्याबिनेटले स्वीकृति दिएको थियो जसलाई सिक्किमको पक्षबाट मुख्यमन्त्री पीएस गोलेले समर्थन गरेका छन्। एक राष्ट्र, एक चुनाउ प्राणलीलाई समर्थन गर्दै मुख्यमन्त्री पीएस गोलेले भनेका छन्, “देशमा लेकसभा र विधानसभा चुनाउ एकैसाथ गराउने साथै आम चुनाउको १०० दिनभित्र नगर नियाक र पञ्चायत चुनाउ एकैसाथ गराउने परिकल्पनालाई हामी दृढतापूर्वक समर्थन गर्छौं।”
उल्लेखनिय छ, केन्द्रमा सत्तामा रहेको नरेन्द्र मोदी नेतृत्वाधिन एनडीए सरकारले एक राष्ट्र एक चुनाउको परिकल्पना अघि बढाएको छ। यसका लागि पूर्व राष्ट्रपति रामनाथ कोविन्दको नेतृत्वमा गठित प्यानलले आफ्नो सिफारिस बुझाएपछि यसलाई हिजोमात्र केन्द्रिय क्याबिनेटले स्विकृति दिएको थियो।
देशमा एकसाथ चुनाउका लागि गरिएको सिफारिश अनुसार चुनाउ प्रक्रिया दुई चरणमा कार्यान्वित गरिनेछ।
पहिलो चरण लोकसभा र विधानसभाको चुनाउ साथसाथै आयोजन गरिनेछ र दोस्रो चरणमा आम चुनाउको १०० दिनभित्र सबै स्थानीय निकायको (पञ्चायत र नगरपालिका) चुनाउ गराइनेछ। सबै चुनाउका लागि साझा मतपत्र हुने सिफारिस रहेको छ। यसलाई निचोडमा पुऱ्याउन देशव्यापी र विस्तृत चर्चा-परिचर्चा शुरु गरिनेछ साथै कार्यान्वयन समूह गठन गरिनेछ।
यस सिफारिसलाई समर्थन जनाउँदै मुख्यमन्त्री पीएस गोलेले भनेका छन, “म पनि प्रधानमन्त्री नरेन्द्र मोदीको दृष्टिकोणलाई पूर्ण रूपले प्रशंसा गर्छु। एक राष्ट्र, एक चुनाउलाई मैले हाम्रो लोकतन्त्रलाई अझ जीवन्त र सहभागितामूलक बनाउनका लागि उठाइएको एक महत्त्वपूर्ण कदम मानेको छु।”
मुख्यमन्त्री गोलेले एक राष्ट्र, एक चुनाउबारे आफ्नो विचार राख्दै भनेका छन “मेरो विचारमा देशभरी एकैसाथ चुनाउ गराउँदा आर्थिक दक्षता, सुव्यवस्थित चुनावी प्रयास र शासनका लागि एकीकृत दृष्टिकोणसहित महत्त्वपूर्ण लाभ हुनेछ। यस अतिरिक्त मतदाताहरूका लागि चुनावी प्रक्रिया सहज हुनेछ र चुनाउमा अधिक सहभागीता, तीब्र आर्थिक विकास साथै देशको अर्थव्यवस्थालाई स्थिरता प्राप्त हुनेछ।”
About The Author
