Soongava Post
गान्तोक, १० सेप्टेम्बरः एएफसी महिला च्याम्पियन्स लीगमा ओडिया एफसी (आईडब्ल्यूएल) को पक्षबाट भारतयी टिममा खेलिरहेकी सिक्किमकी खेलाडी निमिता गुरुङलाई दोस्रो चरणको क्वालिफाइङ खेलको सफलताका लागि मुख्यमन्त्री पीएस गोलेले शुभकामना दिएका छन्। हालै जोर्डनमा सम्पन्न लीगको पहिलो क्वालिफाइङमा टीमसँग विजय हासिल गरेकी निमिता गुरुङले आज मुख्यमन्त्री पीएस गोलेसँग भेट गर्ने अवसर पाइन।
सोरेङ जिल्लाको रिञ्चेबुङ निवासी प्रतिभाशाली फुटबलर निमिता गुरुङप्रति गौरव गर्दै मुख्यमन्त्री गोलेले निमिता र उनको टीमलाई बधाई दिएका छन्। एएफसी महिला च्याम्पियन्स लीगको दोस्रो क्वालिफाइङ खेल भियतनाममा हुनेछ। निमिताले हामीलाई सधैं गर्व गर्ने अवसर दिइरहुन् भन्दै मुख्यमन्त्रीले आगामी खेलका लागि शुभकामना दिएका छन् ।
एएफसी महिला च्याम्पियन्स लीगमा ओडिया एफसीले सिङ्गापुरको लायन सिटी सेलर्स एफसीलाई ४-१ गोलको फराकिलो अन्तर र जोर्डनको ईतिहाद क्लबलाई २-१ गोलको अन्तरले पराजित गरेको थियो। ओडिशाको पक्षबाट दुवै गोल जेनिफर येबोआले गरेकी थिइन्। यो जितपछि ओडिया एफसीले समूह चरणमा आफ्नो स्थान सुनिश्चित गरेको हो। ६ अंकका साथ आफ्नो पहिलो चरणमा शीर्ष रहेको ओडिशाको यात्रा अब ग्रूप सीमा हुनेछ। नकआउट चरणमा स्थान बनाउनका लागि ओडिशाले जापानको उरावा रेड डायमण्ड लेडिज, भियतनामको हो ची मिन्ह सिटी एफसी र चीनि ताइपेको ताइङ्चु ब्लू व्हेल महिला फुटबल टीमसँग खेल्नुपर्नेछ। समूह चरण लीग ६ देखि १२ अक्टोबरसम्म हुनेछ।
About The Author
