Soongava Post
गान्तोक, ९ सेप्टेम्बरः सिक्किम राज्य ब्याङ्क (एसबीएस) मा कथित भ्रष्टाचार मामिलाको जाँच गरिरहेको सिक्किम पुलिसको सतर्कता विभागले सोमवार पाँचजना आरोपी अधिकारीहरूको कार्यालय र घरमा छापा मारेर आपत्तिजनक दस्तावेज जफ्त गरेको छ। सुत्रबाट प्राप्त भएको जानकारीका आधारमा सतर्कता विभागले स्टेट ब्याङ्क अफ सिक्किमका पाँच अधिकारीहरू विरुद्ध एफआईआर दर्ता गरेको छ।
पुलिसले एइआईआर दर्ता गरेका अधिकारीहरू विरुद्ध पछिल्ला ६-७ वर्षको अन्तरालमा विभिन्न ग्राहकहरूसँग मिलेर ब्याङ्क खातामा जम्मा/स्थानान्तरित गरिएको रकमबाट घुस लिएको आरोप छ। आरोप अनुसार भ्रष्टाचारमा संलग्न ब्याङ्क अधिकारीहरूले घुसका रुपमा सोझै रकम नलिएर सम्बन्धित ग्राहकहरूबाट आरोपी अधिकारीहरूको ब्याङ्क एकाउन्टमा रकम ट्रान्सफर गर्न लगाउन गरेका थिए। समय समयमा यसरी हुने एकाउन्ट ट्रान्फरको रकम हजारौं देखि लाखौंसम्म हुनेगरेको बताइएको छ।
सिक्किम पुलिसको सतर्कता विभागले जारी गरेको प्रेस विज्ञप्तिअनुसार आरोपी अधिकारीहरू विरुद्धको छापामारी गान्तोक अनि सिङ्ताम वरिपिरि भएको छ। यो छापामारी चलिलहेको पुलिसले जानकारी दिएको छ।
About The Author
