Soongava Post
गान्तोक, ९ सेप्टेम्बरः बौद्ध धर्मका धर्मगुरु १७औं ग्याल्वा कर्मापा उगेन थिन्ले दोर्जीले सिक्किम विधानसभा चुनाउमा अपार जीतका लागि मुख्यमन्त्री पीएस गोलेलाई बधाई दिएका छन्। १७औं ग्याल्वा कर्मापाले पठाएको बधाई सन्देश मुख्यमन्त्री पीएस गोलेले आफ्नो शोसल मिडिया पेजबाट सार्वजनिक गरेका छन्।
कर्मापाले मुख्यमन्त्रीलाई लेखेको बधाई पत्रमा भनेका छन्, “सिक्किम राज्य राज्यमा हालै भएको विधानसभा चुनाउमा तपाईंको जीतमाथि मेरो बधाई स्वीकार गर्नुहोला। मेरो प्रार्थना र शुभकामना तापाईंसँग छ किनभने तपाईं आफ्नो उच्च पदको जिम्मेवारी र चुनौतिपूर्ण कार्यभार सम्हाल्न तयार हुनुहुन्छ। सिक्किमका मानिसहरूले तपाईंको कुशल नेतृत्व र मार्गदर्शमा सुख, शान्ति र समृद्धिको अनुभव गरुन्।”
१७औं कर्मापाको बधाई सन्देशप्रति मुख्यमन्त्री पीएस गोलेले आभार व्यक्त गरेका छन्। मुख्यमन्त्रीले लेखेका छन्, “परमपावनको सन्देशले मेरो मनमा गहिरो छाप छोडेको छ साथै उहाँको आशीर्वादले म सम्मानित बनेको छु। परम पावनको ज्ञान तथा करुणा हाम्रो लागि प्रेरणाको अटुट स्रोत बनेको छ, म परमपावनद्वारा गरिएका परोपकारका लागि सदैव आभारी छु साथै हामी सम्पूर्ण सिक्किमे परमपावनको अमूल्य मार्गदर्शन र आशीर्वादका लागि सधैंभरी आभारी रहनेछौं।”
मुख्यमन्त्री गोलेले १७औं कर्मापाको सन्देश प्रसारणका लागि महत भूमिका निर्वहन गरेको मन्धै धर्मा विभागका मन्त्री सोनाम लामा र अन्य बौद्ध गुरुहरूप्रति पनि आभार व्यक्त गरेका छन्।
About The Author
