Soongava Post
मगन, १ सेप्टेम्बर: उत्तर सिक्किममा विभिन्न हिमतालहरूको अध्ययन गर्ने सरकारको अन्तर विभागीय टोली आज लाचुङको १५,७०० फिटको उचाइमा रहेको तेनचुङ्खा तालमा पुगेको छ। टोलीसँग लाचुङ जुम्साका प्रतिनिधिहरू पनि रहेका थिए।
भ्रमण अघि स्थानीय लाचेनका भिक्षुहरूले लगभग चारवटा स्थानहरूमा आध्यात्मिक र परम्परागत प्रार्थना गरेको बताइएको छ।
भ्रमण अघि आयोजित पूर्व प्रस्थान भेटघाटमा टोलीका नेतृत्व गरिरहेका डा सन्दीप ताम्बे र जुम्साका प्रतिनिधिले भ्रमण गर्दा ध्यानमा राख्नुपर्ने कुराहरूमाथि टोलीलाई जानकारी गराएका थिए। यो ताल स्थानीयहरूका लागि पवित्र ताल हो।
यो भम्रण टोलीले आईटीबीपीलाई सहयोगका लागि धन्यवाद व्यक्त पनि गरेको छ। टोलीले सफलतापूर्वक जीपीआर परीक्षण, विद्युतीय प्रतिरोधात्मक परीक्षण, जियो मोर्फोमेट्री, लेक डिस्चार्ज मापन आदि सफलतापूर्वक सञ्चालन गरेको बताइएको छ। टोलीले आगामी १४ सेप्टेम्बरसम्म हिमतालहरूको अध्यायन गर्ने छ।
About The Author
