Soongava Post
Homnath Dabari
गान्तोक, ८ सेप्टेम्बरः सिक्किमका पत्रकार एवम् साहित्यकार प्रवीण खालिङले हिलटाईम्स पत्रकार पुरस्कार पाउने भएका छन्। हिलटाईम्स साहसिक पुरस्कारका लागि कञ्चनजङ्घा उद्दार केन्द्रकी संस्थापक रङ्गू सौरियाको नाम घोषणा गरिएको छ। प्रत्येक वर्ष झैं यस वर्ष पनि हिलटाईम्स अनि सर्वनाम समूहको संयुक्त आयोजनामा हिलटाईम्स साहसिक पुरुस्कार अनि सर्वनाम समूह स्थापना दिवास रबिन्द्र भवन मङपूमा आगामी २८ सेप्टेम्बरमा पालन गरिने भएको छ।
यस वर्षको हिलटाईम्स साहसिक पुरस्कार सामाजिक अभियन्ता रङ्गू सौरिया अनि हिलटाईम्स पत्रकारिता पुरस्कार सिक्किमका पत्रकार एवम् साहित्यकार प्रवीण खालिङलाई प्रदान गरिने हिलटाईम्सका प्रबन्ध निर्देशक केशर मोक्तानले पत्रकार सम्मेलनमा जानकारी दिएका हुन।
यसअघि हिलटाईम्स साहसिक पुरस्कार टिस्टा रगीत रेसक्यु दलकी प्रमुख शान्ति राई अनि डुवर्स एक्सप्रेसका प्रमुख राजु नेपालीलाई प्रदान गरिएको छ।
सर्वनाम समूहले स्थापना दिवसको दिन मङपूका दुई साहित्यक स्रष्टा केबी गिरी (कृष्ण गिरी) अनि उपन्यासकार सीबी बान्तावालाई सम्मान गरिने कुरा संस्थाका सयोजक सुरेन्द्र थीङले पत्रकार सम्मेलन मार्फत जानकारी दिएका छन् । यसै दिन दार्जिलिङको प्रख्यात साङ्गीतिक टोली कार्निभल ब्यान्डले सङ्गीतमय कार्यक्रम प्रस्तुत गर्ने भएको छ।
-प्रेस विज्ञप्तिबाट
About The Author
