Soongava Post
गान्तोक, ७ सेप्टेम्बरः उत्तर सिक्किममा ग्लेशियल लेक आउटब्रस्ट फ्लड (जीएलओएफ) माथि अध्ययन गर्न गएको अभियान टोली शनिवार १८,००० फुटको उच्चाइमा अवस्थि खाङ्चुङ छो तालको सर्वेक्षण गऱ्यो। उच्च क्षेत्रमा अत्याधिक हावा र हिमनदीको खतराका कारण टोलीले यस तालको सर्वेक्षण पूरा गर्न सकेन।
आज अभियान टोलीलाई दुई भागमा विभाजन गरिएको थियो भने दोस्रो टोलीले १६,००० फुटको उचाइमा रहेको साको छो तालको प्रारम्भिक मूल्याङ्कन पनि गरेको थियो। साको छो हिमतालको पानी बाहिर बग्नका लागि प्राकृतिक निकास नरहेका कारण यसबाट थाङ्गु गाउँलाई खतरा रहेको छ। अभियान टोलीले तालको सर्वेक्षणका क्रममा यसको खतरा न्यूनिकरण बारे पनि अध्ययन गरेको बताइएको छ।
About The Author
