Soongava Post
गान्तोक, ७ सेप्टेम्बरः सिक्किमको राजधानी गान्तोकको राजभावनमा ड्युटीमा खटिएका जवानलाई मृत अवस्थामा फेला पारिएको छ। भारत-तिब्बत सीमा पुलिस (आईटीबीपी) का जवानलाई राजभवनको भीआईपी गेटमा मृतक अवस्थामा फेला पारिएको हो। शवको पहिचान राजा रामको रूपमा गरिएको छ जो आईटीबीपीको १३औँ बटालियनमा कार्यरत थिए। सुरक्षा ड्युटीमा राजभवनको भिआइपी गेटमा खटाइका जवानलाई ५ सेप्टेम्बमा मृत अवस्थामा फेला पारिएको पुलिसले जानकारी दिएको छ।
गान्तोक नजिक राङ्का लिङ्दुममा अवस्थित आईटीबीपीको १३औं बटालियनका कमाण्डिङ अफिसरबाट प्राप्त लिखित एफआईआरको आधारमा पुलिसले दिएको जानकारीअनुसार राजा रामलाई ५ सेप्टेम्बर, २०२४ मा बेलुकी ९ बजेदेखि रातीको १२ बजे बीच मृत अवस्थामा फेला पारिएको थियो।
एफआईआरको आधारमा पुलिसले बीएनएसएस ऐनको २०२३ को धारा १९४ अन्तर्गत मुद्दा दर्ता गरेको छ। जवानको मृत्यु विषयमा छानबिनको लागि पुलिसले शवलाई आवश्यक कानुनी प्रक्रिया पूरा नगरेसम्म एसटीएनएम अस्पतालको शवगृहमा राखेको छ।
About The Author
