Soongava Post
गान्तोक: इस्टर्न इनफिल्डर्स मोटरसाइकल क्लब सिक्किमले आगामी १५ देखि १७ मइसम्म राइडर्स मिट आयोजना गर्ने भएको छ। सिक्किम राज्यको पचास वर्षको उत्सवको एउटा भाग स्वरूप पूर्व सिक्किमको सरमसामा गार्डनमा तीन दिनको ५०औं स्टेटहुड राइडर्स मिट आयोजना गर्ने तयारी रहेको आज आयोजित पत्रकार सम्मेलनमा जानकारी गराईएको छ। यो कार्यक्रममा सिक्किम बाहेक भुटान, नेपाल र भारतको विभिन्न राज्यबाट लगभग ५०० राइडर्स सहभागी बन्नेछन्। तीन दिने यो मिटमा सर्ट राइड, सांस्कृतिक कार्यक्रमहरू, अन्तरक्रियात्मक सत्रहरू र सामुदायिक गतिविधिहरू समावेश गरिएको साथै सामाजिक सेवामा संलग्न तथा वरिष्ठ राइडर्सलाई सम्मान जनाउने कार्यक्रम पनि रहेको आयोजक पक्षले जानकारी दिएको छ।
About The Author
