Soongava Post
गान्तोक: सिक्किम क्रिकेट एसोसिएशन (सिका) ले गान्तोकमा चौथो नर्थ ईस्ट क्रिकेट डेभलपमेन्ट काउन्सिल (एनईसीडीसी) अवार्ड नाइटको आयोजन गऱ्यो। ६ अप्रेलमा आयोजित कार्यक्रममा २०२४-२५ बीसीसीआई घरेलु सिजनमा उत्कृष्ट प्रदर्शन गर्ने एनईसीडीसीका छवटा राज्यका शीर्ष क्रिकेटरहरूलाई सम्मानित गरियो।
कार्यक्रममा मुख्यमन्त्री पीएस गोले (जो सिकाको पूर्व अध्यक्ष पनि हुन) प्रमुख अतिथिको रूपमा उपस्थित थिए। मुख्यमन्त्रीको साथमा सिक्किम विधानसभा अध्यक्ष एमएन शेर्पा, मन्त्रीहरू, एसबीएसका प्रबन्ध निर्देशक फुर्बा वाङ्दी भोटिया लगायत अन्य सहभागी थिए।
सिका अध्यक्ष टिका सुब्बाले स्वागत मन्तव्य राखे भने एनईसीडीसी सह-संयोजक नबाब्रत भट्टाचार्जी र बीसीसीआईका ममोन मजमुदारले पनि सम्बोधन गरे।
पुरस्कार विजेताहरूमा एलिस थोकचोम (मणिपुर), अलोटो सुमी (नागाल्याण्ड) र सिक्किमको सिनियर पुरुष टोली (जसले विजय हजारे ट्रफीमा राजस्थानमाथि ऐतिहासिक जित हासिल गरेको थियो) समावेश थिए।
एनईसीडीसीले मुख्यमन्त्रीलाई सिक्किममा खेलकुद प्रवर्द्धन गरेकोमा सम्मान गऱ्यो। कार्यक्रममा सिक्किमको सांस्कृतिक सम्पदालाई झल्काउने नृत्य प्रस्तुत गरियो जसपछि १०औं एनईसीडीसी सम्मेलन आयोजना भयो।
About The Author
