Soongava Post
गान्तोक: सरेङ जिल्लाको अप्पर रिब्दी नजिकको जङ्गल क्षेत्रमा करिब १० देखि १२ दिनको जस्तो देखिने मृत भ्रूण फेला परेको छ। स्थानीय महिलाले आफ्नो घर नजिकै भ्रूण देखेपछि तत्कालै गाउँको पञ्चायतलाई जानकारी गराएपछि उक्त घटना बाहिरिएको छ।
महिलाले दिएको जानकारी पछि वार्ड पञ्चायत साङ्गे दोर्जी शेर्पा घटनास्थलमा पुगेका थिए। उनले मृत भ्रूण भेटिएको पुष्टि गर्दै पुलिसलाई खबर दिएपछि घटना बारे रिपोर्ट दर्ता गरेर अनुसन्धान शुरु गरेको छ।
घटनास्थलमा एसडीएमको उपस्थितिमा स्थानीय मानिसहरू र पञ्चायतका सदस्यहरू उपस्थितिमा कानूनी प्रक्रिया पूरा गरेर पुलिसले भ्रूणको शवलाई एसटीएनएम अस्पतालमा पोस्टमार्टमका लागि पठाएको छ। कानूनी प्रक्रिया अनुसार शवलाई ७२ घण्टासम्म सुरक्षित राखिनेछ भने डीएनए परीक्षणका लागि नमुना केन्द्रिय न्यायिक विज्ञान प्रयोगशाला (सीएफएसएल) मा पठाइने थाहा लागेको छ। पुलिसले घटनाको विस्तृत अनुसन्धान गर्दै दोषी पहिचान गर्न लागि परेको छ।
About The Author
