Soongava Post
गान्तोकः सिक्किमका सम्पूर्ण चर्चहरूको संयुक्त आयोजनमा राज्यस्तरीय प्री क्रिसमस समारोह पालन गरिएको छ। मुख्यमन्त्री पीएस गोलेको मुख्य आतिथ्यमा रम्फू खेलमैदानमा आयोजित समारोहमा सिक्किमको विभिन्न जिल्ला अनि छिमेकी राज्यहरूबाट ईसाइ समुदायको बाक्लो उपस्थिति रहेको थियो।
पास्टर पेम्बा नुरी शेर्पाको स्वागत प्रार्थनाबाट शुरु भएको कार्यक्रममा समारोहमा विभिन्न सांस्कृतिक टोलीले नृत्य, गीत अनि नाटक प्रस्तुत गरेका थिए। प्री क्रिसमस समारहोमा मुख्य आकर्षणका रुपमा आचार्य विकास मेस्सेले ख्रिस्टिय प्रवचन राखेका थिए भने नेपालका ख्यातिप्राप्त गायक कर्णदासले गीत प्रस्तुत गरेका थिए। यस अवसरमा आयोजक पक्षले मुख्यमन्त्री पीएस गोले लगायत अन्य व्यक्तित्वलाई सम्मान जनाए।
प्री क्रिसमस समारोहलाई सम्बेधन गर्नेक्रममा मुख्यमन्त्री पीएस गोलेले सिक्किममा एसकेएम सरकारको गठनपछि सबै धर्म र जातीय समुदायले पर्व र उत्सव राजनीतिक हस्तक्षेप बिना नै पालन गर्ने स्वतन्त्रता पाएको बताए। उनले उपस्थित मानिसहरूलाई प्रभु ईसुको जीवनबाट प्रेरणा लिएर समाजको भलाइका काममा समर्पित हुन आग्रह गरेका छन्।
About The Author
