Soongava Post
गान्तोक. २९ अगस्त: सिक्किमका सुनुवार भाषाको शिक्षा प्रगतिमाथि तीन दिवसीय कार्यशाला आयोजन गरिएको छ। उक्त कार्यशाला सिक्किम सुनुवार मुखिया कोइँचबुले भाषा शिक्षा निर्देशालय विभागको सहकार्यमा सम्पन्न गरेको हो।
२१ अगस्तदेखि २३ अगस्तसम्म चलेको कार्यशालाको समापन समारोहमा भाषा शाखाको संयुक्त निर्देशाक प्रभाकर बिलाल मुख्य अतिथिको रुपमा उपस्थित थिए। यसैगरी भाषा शाखाकै उपनिदेशक सुधा राई विशिष्ट अतिथिको रुपमा उपस्थित रहेकी थिइन। पाठ्य पुस्तक प्रभागी एटीबीओ नैनाकला मुखियाले कार्यशालाको सम्पूर्ण जानकरी प्रस्तुत गरिन भने कार्यशालाबारे भारती मुखियाले आफ्लो अनुभव साझा गरिन्।
कार्यशालामा सहभागीहरूलाई अतिथिहरूको हातबाट प्रमाणपत्र वितरण गरियो । कार्यशालाको मुख्य आकर्षण मुखिया भाषामा बनाइएको बाल गीतको प्रस्तुती रहेको थियो । सहभागीहरूले बाल गीत सामुहिक रूपमा प्रस्तुत गरेका थिए। आफ्नो सम्बोधनमा विशिष्ट अतिथि सुधा राईले भाषाको ज्ञानको आवश्यकता र समाजमा एकजुट भएर बस्दा पर्ने महत्त्वहबारे बताइन। मुख्य अतिथि प्रभाकर विलालले विद्यार्थी, शिक्षक बीचको सम्बन्धमा हुनुपर्ने सुमधुरता र नानीहरूलाई प्रेरित गर्नु पर्ने आवश्यकताबारे बताए ।
कार्यशालाको समापनको अन्तमा भाषा विकासको निम्ति आवश्यक प्रक्षेपबारे अन्तरक्रिया भयो। अतिथि र सहभागीहरूले भाग लिए।मातृभाषा समस्या र समाधानका बारेमा चर्चा गरेका थिए।
About The Author
