Soongava Post
गान्तोक: सिक्किमकी फिल्म निर्मात्री त्रिबेनी राईले आफ्नो पहिलो नेपाली फिल्म शेप अफ म:मो हङकङ अन्तर्राष्ट्रिय फिल्म महोत्सव (HKIFF) उद्योग परियोजना बजार 2025 मा प्रस्तुत गर्नेछिन्। यो फिल्म एसियाका विभिन्न देशहरूबाट चयन गरिएका 15 परियोजनाहरू मध्ये एक हो, जसले फिल्म निर्माताहरूलाई पोस्ट-प्रोडक्सन कोष र वितरण अवसरहरू सुरक्षित गर्न सहयोग गर्छ।
यस अवसरको माध्यमबाट त्रिबेनी राई र सह-निर्माता किस्लेले एशिया फिल्म वित्त पोषण मञ्च (HAF) मा लगानीकर्तासँग जडान हुने आशा राखेका छन्। शेप अफ म:मो एक महिलाको पितृसत्ता विरुद्धको संघर्षको कथा हो, जुन पूर्व सिक्किमको नन्डोकमा छायांकन गरिएको छ।
यसअघि, यो फिल्म गोवामा आयोजित फिल्म बजार 2024 मा सहविजेता बनेको थियो। नान्डोककी राईको यो परियोजनाले सिक्किमलाई अन्तर्राष्ट्रिय सिनेमा क्षेत्रमा उजागर गरिरहेको छ। यो फिल्म आगामी 17 देखि 19 मार्चसम्म हङकङमा आयोजना हुने HKIFF उद्योग परियोजना बजारमा प्रस्तुत हुनेछ।
About The Author
