Soongava Post
गान्तोक: गान्तोक जिल्लाको पहलमा शुक्रबार सडक सुरक्षा जागरुकता ऱ्याली आयोजन भयो। जिल्लापाल तुषार निखारेले एसएनटी कम्प्लेक्सबाट सडक सुरक्षासम्बन्धी जागरूकता र्यालीको शुभारम्भ गरेका थिए जो राष्ट्रिय सडक सुरक्षा महिनाको अवसरमा जिल्ला सडक सुरक्षा समिती तथा आरटीओ गान्तोकको आयोजन गरेको थियो।
र्यालीमा २५ जना बाइकर्स, चालक बोर्डका सदस्यहरू तथा वेस्ट प्वाइन्ट र टाशी नाम्ग्याल वरिष्ठ माध्यमिक विद्यालयका विद्यार्थीहरूको सहभागिता थियो। ऱ्याली हस्पिटल डाँडा, लाल बजार हुँदै एमजी मार्गमा समापन भएको थियो।
एमजी मार्गमा ट्राफिक पुलिसका डीएसपी बिजय गुरूङ र आरटीओ दिलीप शर्मा लगायतका पदाधिकारीहरूको उपस्थितिमा छोटो कार्यक्रम आयोजना गरियो। एमभीआई सोनाम एन. भोटियाले भारतमा सडक दुर्घटनाबाट हुने मृत्यु दर उच्च रहेको तथ्य प्रस्तुत गर्दै सचेतनाको आवश्यकता औंल्याए। कार्यक्रम वेस्ट प्वाइन्ट स्कूलको ब्रास ब्याण्डको प्रदर्शनसँगै सम्पन्न गरेपछि मनन केन्द्रमा सडक सुरक्षासम्बन्धी कार्यशाला आयोजन गरिएको थियो।
About The Author
